යෝගීවරයකු යනු කවුරුන්ද..?

යෝගීන් ගේ ගතිලක්ෂණ කෙබදු ද ?

" භගවත් ගීතාවේ හයවන පරිච්ඡේදයේ, ක්‍රිෂ්ණා දෙවියන් යෝගියකුගේ සැබෑ ලක්ෂණ මැනවින් විස්තර කරයි. ක්‍රියා ප්‍රතිඵල කෙරෙහි අවධානය යොමු කරනවා වෙනුවට සියලු අවධානයෙන් යුතුකම් ඉටුකරන්නෝ සැබෑ යෝගීන් වෙති. යාඥා, යාග , පුදපූජා , පිංදහම් කරන අය හෝ ලෞකිකත්වය අත්හල සේ පෙනී සිටින්නන් ස්වභාවික යෝගීන් නොවේ ! තවද හුදෙක් යෝගී , යෝගිනී , යෝගේශ්වර , යෝගා ගුරු ආදී ස්වකැමැත්තට නාමමාත්‍රිකව භාවිත කල පමණින්ම ඔවුන් යෝගීහු නොවෙති !

කිසිම ඇලීමක් නැති යෝගාවචරයෙන් පරිපූර්ණත්වයට පත්වීමේ අභිලාෂය ඇති තැනැත්තා යෝගීවරයෙකු වීමට පරම මාර්ගයේ ගමන් කරයි. මෙම යෝගීන් යෝගා ශිල්ප පරිපූර්ණ කර ඇති අතර භාවනාවේ උපකාරයෙන් පූර්ණ සන්සුන් භාවයක් ලබා ඇති බව ක්‍රිෂ්ණ දෙවියන් පවසයි.

 යෝග යනු කුමක්ද?

යෝග යනු 'යුජ්' යන්නෙන් ව්‍යුත්පන්න වූ සංස්කෘත යෙදුමකි. එනම් 'එකතු වීම ' හෝ ​​' ඒකාත්මික භාවය ' ඇගවේ. පුරාණ සංස්කෘත ග්‍රන්ථවල පවසන්නේ ' පුද්ගලයා විශ්වීය විඥානය සමඟ ඒකාබද්ධ කිරීමේ පුරුද්ද' යෝග බවයි. භාරතීය පැරණි අධ්‍යාත්මික විශේෂඥයින් විශ්වාස කරන්නේ අප සහ මෙම විශ්ව ශක්තීන් අතර ඇති විශ්වීය සම්බන්ධය අවබෝධ කර ගැනීම සැබෑ යෝගීවරයෙකු වීමේ පළමු පියවර බවයි.

 සැබෑ යෝගියකුගේ ගුණාංග මොනවාද?

යෝගියකු වීම පහසු නැත. මූලික වශයෙන්, එය යෝග පන්තියකට සම්බන්ධ වීම සහ ආසන කිහිපයක ප්‍රවීණ වීම තරම් පහසු නොවේ!

යෝග යනු කුමක්ද සහ සැබෑ යෝගියකුගේ ගුණාංග මොනවාද යන්න පිළිබඳව පුරාණ ග්‍රන්ථ කිහිපයක් විස්තර කරයි. සැබෑ යෝගියා සෙසු ජනගහනයෙන් වෙන්කර හඳුනාගත හැකි ගුණාංග කිහිපයක් දෙස බලමු.,

මධ්‍යස්ථභාවය :

යෝගියකු වීම යනු ඔබ ගැන දැන ගැනීමයි. එය ඉහළම ජයග්‍රහණයේ ලකුණකි. යෝගී ප්‍රතිපලයෙන් වෙන් වී තම රාජකාරිය කෙරෙහි පමණක් අවධානය යොමු කරන බැවින්, ඔහු දුක් වේදනා වලින් වෙන්ව සිටියි. ඔහුගේ මනස සහ ශරීරය දැඩි වේදනාවකට ලක්වන තත්වයන් තුළ පවා, යෝගියා ස්ථාවරව සිටීමට සහ තුන්වන දෘෂ්ටිකෝණයෙන් ( ඥානවන්ත ලෙස) එය දෙස බලන්නේ කෙසේදැයි දනී.

සමබරතාව :

සැබෑ යෝගියා සෑම අවස්ථාවකදීම ඔහුගේ සමබරතාවය පවත්වා ගනී. යෝගීවරයෙකු වීම නිරන්තර ක්‍රියාවලියක් වන අතර, එවැනි මාවතක ගමන් කිරීමේදී උත්සාහය හෝ සවිඥානික ක්‍රියාව යනු මාධ්‍යයයි. සැබෑ යෝගියා ආශාවන්, අපේක්ෂාවන්, මනාපයන් සහ බැඳීම් වලින් නිදහස් වී ඇති බැවින් ඔහු ජීවිතයේ සෑම යහපත් දෙයක්ම භුක්ති විඳිති. නමුත් කිසිම දෙයකට බැඳී නැත.

ආත්ම විශ්වාසය:

සැබෑ යෝගියකු තමාව පිළිගෙන ඇත. ඔහු කවුද සහ ඔහුගේ ශක්තීන් සහ දුර්වලතා මොනවාදැයි ඔහු සැබවින්ම දනී. ඔහුට අභ්‍යන්තර ගැටුම් නැත. ඔහු ව්‍යාකූල නොවනු ඇත. සැබෑ යෝගියාට ස්වයං විනාශකාරී නැඹුරුවක් නොමැති බැවින් ඔහු තම අධ්‍යාත්මිකත්වය සමඟ ලෞකික සැප සම්පත් සහ යුතුකම්වල පරිපූර්ණ සමතුලිතතාවයක් ඇති කරයි. ස්වයං-විනාශකාරී ඉරියව් නොමැතිකම නිසා ඔහු තමා සමඟ අන් අය ද රැගෙන ස්වයං නඟා සිටුවීමේ මාවතේ නිරන්තරයෙන් ගමන් කරයි.

තෘප්තිමත් භාවය :

යෝගියා තෘප්තිමත් ආත්මයක් ඇති තැනැත්තා යන අර්ථයෙන් ත්‍රිප්තාත්ම ලෙසද හැඳින්වේ. සැබෑ යෝගියා ආශාවන්ගෙන් නිදහස් වන බැවින් ඔහු ඕනෑම තත්වයකදී තෘප්තිමත් වේ. ඔහු දියමන්තියක සහ ගල් අඟුරු සමානව සලකයි. ඔහුගේ ඉන්ද්‍රියයන් සහ හැඟීම් කෙරෙහි පූර්ණ පාලනයක් ඇති බැවින් ඔහු ජීවිතය තමා වෙත විසි කරන සෑම දෙයක්ම සිනහවකින් සහ විවෘත දෑතින් පිළිගනී. විටෙක එය දිව්‍ය කැමැත්ත ආදී ලෙසින් ලෙස සලකයි.

සෑම තත්වයක්ම පිළිගනිමින්, ඔහු තම යුතුකම් ඉටු කරමින් ඉතා නම්‍යශීලීව ගලා යයි.

ස්වයං පාලනය:

සැබෑ යෝගියාට ඔහුගේ මනස, ශරීරය සහ ආත්මය කෙරෙහි පූර්ණ පාලනයක් ඇත. ඔහුගේ සම්පූර්ණ අවධානය දිව්‍යමය භාවයන් කෙරෙහි යොමු වී ඇති බැවින් නරකම අවස්ථාවන්හිදී පවා සන්සුන්ව හා නොසැලී සිටීමට ඔහු සමත් වේ. සැබෑ යෝගියා යනු තම ශරීරය, සිතුවිලි සහ ආශාවන් ජයගත් තැනැත්තා ය. සැබෑ යෝගියා දිව්‍යමයභාවය සමඟ ඒකාබද්ධ වීමට කැමති බැවින් ඔහු දරුණුතම අන්තරායන්හිදී පවා නොකැළඹී සහ නොපැටලී සිටියි. වේදනාව-සතුට, ගෞරවය-අගෞරවය, කීර්තිය-අපකීර්තිය, උෂ්ණ-සීතල යනාදී හැඟීම්වල විලංගුවලට ඔහු යටහත් වන්නේද නැත.

සෞඛ්‍ය සම්පන්න බව :

යෝගයන් අධික ලෙස කන, නිදාගන්නා හෝ ව්‍යායාම කරන පුද්ගලයින් සඳහා නොවේ. සැබෑ යෝගියා යනු තම මුඛයෙන් සහ මනසින් පරිභෝජනය කරන දේ කෙරෙහි සවිඥානක පාලනයක් ඇති තැනැත්තා ය. සමබරව සිටීමෙන් සතුටක් ලබන, සමතුලිතතාවයට පත් වූ තැනැත්තා ඔහු ය. අවදිව සිටින විටත් නින්දේදීත් තමා කෙරෙහි පූර්ණ පාලනයක් ඇති ඔහු සැබෑ යෝගීයෙකි.

 කෙනෙක් යෝගියකු වන්නේ කෙසේද?

යෝගියකු වීම යනු වඩා තමා හොඳින් පාලනය කිරීමට නිරන්තරයෙන් පරිණාමය වීමයි. එයින් අදහස් කරන්නේ ඔබ වඩාත් ශක්තිමත් වන අතර, ඒ සමඟම වඩ වඩාත් සාමකාමී වීමයි !

මාර්ගය සොයන්නෙකුට සැබෑ යෝගීයෙකු වීමට තම ගමන ආරම්භ කළ හැකි පරිවර්තනීය සීමා කිරීම් සහ පිළිපැදීම් කිහිපයක් මෙසේ දක්වමි.

ස්වයං අධ්‍යයනය:

ගුරුවරයා ඔබට අධ්‍යාත්මික මාර්ගය පෙන්වන බව කියනු ලැබේ. නමුත් එහි ගමන් කළ යුත්තේ ඔබයි ! මෙනෙහි කිරීම සහ භාවනා කිරීම තුළින් තම ගුරුවරයාගෙන් ඉගෙන ගත් දේ දිගටම ප්‍රගුණ කල යුතුයි ස්වාධ්‍යාය නොහොත් ස්වයං අධ්‍යයනය යනු ආත්ම-සොයාගැනීමේ සවිස්තරාත්මක ක්‍රියාවලියකි. එයට මමත්වය විසුරුවා හැරීම සහ අපගේ යටි සිත තුළ අප තදින් අල්ලාගෙන සිටින මායාවන් පිළිබඳව දැනුවත් වීම ඇතුළත් වේ.

සත්‍යවාදී වීම :

එය හුදෙක් කතා කිරීම නොවේ. කාරණය ගැන කතා කිරීම ඉතා අපහසු වූ විට යෝගීන් නිහඬව සිටින්නේ නැත. තත්වය සහ ප්‍රතිවිපාක නොසලකා සත්‍යය කථා කිරීම යෝගීවරයෙකුගේ සදාචාරාත්මක යුතුකමකි.

තෘප්තිය:

සැබෑ යෝගියාට ඊර්ෂ්‍යාව දැනෙන්නේ නැත. හේ සොරකම් කිරීමට උත්සාහ නොකරයි. සිතුවිලි, කථාව සහ ක්‍රියාවන් තුළින් වෙනත් කෙනෙකුගේ දේපළ සොරකම් කිරීමට අදහස් නොකරයි. යෝගීන් තමාට ලැබෙන ඕනෑම දෙයකින් සම්පූර්ණයෙන්ම සෑහීමකට පත්වේ. එයින් අදහස් වන්නේ ඔහු අන් අය සතු දේ ප්‍රාර්ථනා නොකරන බවයි.

අල්පේච්ඡතාව:

බ්‍රහ්මචර්යාව යන වචනයේ තේරුම 'ලිංගික ක්‍රියාවන් නොපැවැත්වීම' යන්න නොවේ. එයින් අදහස් කරන්නේ ඔබට යැපෙන හැඟීමක් ඇති කරන දේවල් වලින් නිදහස් වීමයි. ශක්තිය සහ අවධානය අවශ්‍ය අයිතම වලින් ඈත් වී ඔබ සොයන දේ වෙත ඒවා හරවා යැවීමට එය සවිඥානික තීරණයකි. ධනාත්මක ආකල්පයක ආධාරයෙන්, යෝගීන් අන් අය කෙරෙහි ත්‍යාගශීලීත්වය සහ අනුකම්පාව වර්ධනය කිරීම සඳහා ඔවුන්ගේ ශක්තිය ඉහළ නංවයි.

අවිහිංසාව:

අවිහිංසාව යනු සිතුවිල්ලෙන්, කථනයෙන් සහ ක්‍රියාවෙන් දැනුවත්ව කිසිදු හානියක් සිදු නොකිරීමයි. අහිංසා ලෙසද හැඳින්වෙන අවිහිංසාව සෑම ජීවියෙකුම අපගේ ආත්මය සමඟ සම්බන්ධ වී ඇති බවට ඇති විශ්වාසය ශක්තිමත් කරයි. සැබෑ යෝගාවචරයෙකුට පුද්ගලික ලාභ ප්‍රයෝජන තකා ජීවියෙකුට හානි කිරීම සිතා ගැනීමටවත් නොහැකිය.

පාරිශුද්ධත්වය:

යෝගීන් සුපිරිසිදු ය. එය ශාරීරික පිරිසිදු කිරීමේ ක්‍රියාවට පමණක් සීමා නොවේ. එයින් අදහස් වන්නේ යෝගියා මනස, ශරීරය සහ ආත්මය පිරිසිදු කිරීමේ මාර්ගය අනුගමනය කරන බවයි. ධනාත්මක වීම, අන් අයට උපකාර කිරීම, භාවනා කිරීම, මන්ත්‍ර ජප කිරීම, නිර්මාංශ ආහාර ගැනීම , බඹසර රැකීම ආදිය යනු කෙලෙස් ඉවත් කර ගැනීමට යෝගීවරයා අනුගමනය කරන පිළිවෙත් කිහිපයකි.

පහසුවෙන් අතහැරීම :

දේපළ , මුදල් ,වස්තූන් ආදිය කෙරෙහි ඇලීම අන් අය කෙරෙහි ඇති අමනාප හැඟීම්, ඊර්ෂ්‍යාව හෝ අන් අය කෙරෙහි වෛරය විය හැකිය. යෝගියා කිසිම දෙයක අතිරික්තයක් තබා නොගනී. විශ්වයට කෘතඥ වෙමින් වර්තමානයේ ලද තෑග්ග වැළඳ ගනිමින් වර්තමානයේ ජීවත් වෙති. ලෞකික දේවල්වල පරිහරණයේදී කිසිවිටෙක තමාව අමතක නොකළ යුතුය. ජීවිතයේ සතුට භුක්ති විඳිමින් සිටියදී යෝගීන් කිසි විටෙකත් ලෞකික දෑ නිසා යථාර්ථය සමඟ ඇති සම්බන්ධය නැති කර නොගනී.

විනය:

සංස්කෘත භාෂාවෙන් එය 'තපස්' ලෙස හැඳින්වේ. තපස් යනු දැඩි ආධ්‍යාත්මික විනයක් අනුගමනය කිරීමයි. තපස් දළ වශයෙන් පරිවර්තනය කරන්නේ තාපය වැඩි කිරීමේ ක්‍රියාවයි. භාවනා කරන ගමන් මන්ත්‍ර ජප කරනකොට අපේ කම්පන වැඩි වෙනවා. යෝගීන් මෙම අතිරේක ධනාත්මක ශක්තිය භෞතික, පාරභෞතික සහ අධ්‍යාත්මික මට්ටම් මත ඔවුන්ගේ ජීවිතය වැඩිදියුණු කිරීමට භාවිතා කරයි. "

- Bee Online -

- භාරතීය ගුරු චමුන්ඩ ස්වාමිතුමන් ගේ ලිපියකි -